DXA dentsitometro berria bakarra da EAEn, eta datu erabilgarriak ematen ditu arazo kardiobaskularrak, obesitatea eta osteoporosia dituzten pertsonentzat, bai eta kirolarien lesioak prebenitzeko eta zaintzeko ere.

Policlínica Gipuzkoak azken belaunaldiko DXA dentsitometro bat sartu berri du, azterketa erradiologikoan modu ez-inbaditzailean sakontzeko aukera ematen duena, informazio oso baliotsua lortzeko honako gaixotasun hauek tratatzeko eta prebenitzeko: obesitatea, arrisku kardiobaskularraren eta metabolikoaren ebaluazioa, osteoporosia eta kirol-medikuntzarako.

Policlínica Gipuzkoako DXA dentsitometria berriaren azterketak 15 minutu inguru irauten du, eta irudi tomografikoak modu ez-inbaditzailean lortzeko aukera ematen du, gorputzaren osaera zehaztasun handiz baloratzeko aukera ematen dutenak. Bereizmen handiko irudien bidez, honako hauek bereizten dira: koipea, koipe iharra hezur-mineralarekin konbinatuta, koipe iharra hezur-mineralaren edukirik gabe, koipe-ehunekoa eta VATa, hau da, sabel-barrunbeko koipea edo erraietako koipea.

VATaren neurketa L4-L5 mailako ebaketa tomografikoko irudi baten bidez lortzen da. Erraietako koipe hori da arriskutsuena, zelulek inflamazioa, dislipidemia eta hipertentsioa eragiten dituzten proteinak askatzen dituztelako. Proteina horiek arrisku-faktore metabolikoekin lotuta daude, eta heriotza-tasa handia eragiten dute. Hori dela eta, koipe patogenoaren gordailutzat hartzen da.

Hezur-dentsitometriak hiperparatiroidismoa (gehiegizko kaltzioa odolean) prebenitzen eta diagnostikatzen ere lagun dezake, eta horrek ahulezia, nekea, idorreria, gose-galera, kontzentrazio-falta, oroimen-galera, nahasmendua eta gernu egitearen igoera sentiarazten ditu.

Azterketaren prozedura oso erraza eta azkarra da. Probaren egunean, pazienteak 6 orduko baraua eta maskuria hutsik eraman behar ditu. Kontsultara iritsitakoan, pazientea erantzi eta aurrez eskaini dioten mantala jantziko du eta ohatilan etzango da. Azterketak 10 minutu inguru irauten du.

Probak irauten duen bitartean, dentsitometroak gorputz osoa eskaneatuko du, eta, prozesua amaitutakoan, pazientea berriro jantziko da, eta 15 minutu itxarongo ditu emaitzen txostena jasotzeko. DXA dentsitometria hori egin ahal izateko, mediku espezialista batek agindu behar du, hala nola traumatologo batek, endokrinologo batek edo kirol-mediku batek, edo nutrizionista batek ere eska dezake.