Sindrome genitourinarioak emakumeen ia erdiei eragiten die menopausian, baina askok ez dute kontsultatzen lotsagatik edo desinformazioagatik. Marina Matute, Policlínica Gipuzkoako ginekologoak, tratamendu eraginkorrak daudela azpimarratu eta mezu argia zabaldu du: “Ez zaude bakarrik eta ez dugu zergatik sintoma haiekin bizi behar”.

Lehortasuna, azkura, narritadura, mina sexu-harremanetan edo gernu-infekzio errepikariak. Sintoma horiek menopausiaren sindrome genitourinarioarekin lotuta egon daitezken sintoma batzuk baino ez dira. Ohiko afekzioa da, kronikoa eta askotan isilpekoa, eta etapa menopausikoan dauden emakumeen %47ari eragiten dio, gutxi gorabehera.

Marina Matute Policlínica Gipuzkoako ginekologoak ohartarazten duenez, “menopausiarekin lotu ohi den arren, emakume gazteagoetan ere ager daiteke, adibidez, erditze baten ondoren, esnealdian, edo organismoan estrogenoen maila murriztea eragiten duten tratamendu mediko edo kirurgiko batzuen ondorioz”.

Zer da sindrome genitourinarioa eta zergatik gertatzen da?

Menopausiaren sindrome genitourinarioa termino medikoa da, eta bulbari, baginari, uretrari eta maskuriari eragiten dien estrogenoen gutxitzeak eragindako sintoma batzuk biltzen ditu. “Estrogenoen gabezia horrek ehun urogenitalen oreka eta funtzioa aldatzen ditu, eta horrek molestiak sortzen ditu, lehortasunetik hasi eta prolapsoak edo gernu-infekzio errepikatuak agertu arte”, adierazten du Policlínica Gipuzkoako ginekologoak.

Bere izena urruna edo teknikoa izan badaiteke ere, oso ohikoa da: “Espero daiteke menopausia adinean dauden emakume gehienek sintoma horietakoren bat izatea urteetan zehar”, dio espezialistak.

Inpaktu emozionala eta bizitza sexualaren afektazioa

Sintoma fisikoetatik harago, sindrome genitourinarioak eragin emozional handia izan dezake emakumeen bizi-kalitatean. “Esfera intimoan eragin dezake, sexu-harremanak zaildu eta egunerokoan deserosotasuna sor dezake, eta horrek askotan autoestimuari eta bikote-harremanari ere eragiten dio”, azaldu du doktoreak.

Prebalentzia handia duen arren, sindromea infradiagnostikatua izaten jarraitzen du, eta estimatzen da emakumeen %70ek ez diola espezialistari kontsultarik egiten, bere bizi-kalitatean eragina izan arren, neurri batean emakume askok zahartzearen ezinbesteko ondoriotzat hartzen dutelako edo lotsa sentitzen dutelako bere sintomei buruz hitz egitean.

Noiz kontsultatu eta nola diagnostikatu

Ginekologoaren gomendioa argia da: edozein eragozpen edo deserosotasun-sentsazio izanez gero, garrantzitsua da espezialistarengana joatea. “Diagnostikoa batez ere klinikoa da, hau da, pazienteak kontatzen digunean eta miaketa fisikoan oinarritzen da beste kausa batzuk baztertzeko. Eta garrantzitsua da lehenbailehen egitea, sintomei aurre egin ahal izateko eta larriagotu ez daitezen”, azaldu du espezialistak.

Honen guztiaren berri ona, tratamendu eraginkorrak eta pertsonalizatuak daudela da. Oinarrizko aukeretatik hasi (krema hidratatzaileak eta lubrifikatzaileak, esaterako) eta estrogeno lokalekin edo probiotikoekin egindako tratamenduetara arte, baita birsortzeko terapietara arte ere (CO2 laserra, adibidez). Policlínica Gipuzkoan dago eskuragarri, eta baginako ehunen osasuna ahalik eta gutxien inbaditzeko aukera ematen du.

Ohitura osasungarrien garrantzia eta prebentzioa

Tratamendu medikoez gain, bizimodu osasungarria izateak ere eragin dezake aldea. “Dieta orekatu bat jarraitzea, ariketa fisiko erregularra egitea, tabakoa eta alkohola saihestea, eta eremu intimoko hidratazioa zaintzea gorputzaren beste eremu batzuetan aplikatzen dugun errutina berarekin, sindrome genitourinarioaren sintomak prebenitzen eta murrizten lagun dezake”, adierazten du ginekologoak.

Ondorio gisa, Marina Matutek mezu itxaropentsua helarazten die arazo hau bizi dezaketen emakume guztiei: “Sentitzen ari zaren sintomak arruntak dira, ez zaude bakarrik eta ez dugu haiekin bizi beharrik. Ez izan beldurrik edo lotsarik profesional batekin kontsultatzeko, egunerokoa hobetu eta zure bizi-kalitatea berreskuratzen lagun diezazuketen tratamenduak baitaude”, dio.