Kirurgia orokorra eta aparatu digestiboaren kirurgia aparatu digestiboko (urdaileko, esofagoko, gibeleko, behazun-bideetako, pankreasetako, koloneko eta ondesteko) gaixotasunen tratamendu kirurgikoan oinarritzen da batez ere. Horretarako, kirurgia ireki konbentzionaleko prozedurak erabiliko dituzte, bai eta kirurgia laparoskopikoko prozedurak ere, halakorik erabil daitekeenean (behazun-xixkuaren eta hiatuko herniaren kasuan esate baterako). Izan ere, azken prozedura honek pazientea bere onera azkarrago etor dadin eta operazio-ondoko konplikazioen arriskua murritz dadin ekarri du.
Era berean, pareta abdominalaren kirurgia barne hartzen du, hau da, izterrondoko hernien, hernia gruralen edo operazio-ondoko ebentrazioen kirurgia barne hartzen du eta hauek konpontzeko material sintetikoko sareak erabiliko dira, beharrezkoa gertatzen den kasu guztietan. Era berean, uzkiaren kirurgia (hala nola, hemorroideen eta fistulen kirurgia) eta guruin endokrinoen (giltzurrungaineko paratiroideen eta tiroideen) kirurgia (bozioen kirurgia eta nodulu tiroideoen kirurgia esate baterako) barne hartzen du.
Horretarako, zerbitzu honetako espezialistek kirurgia ireki konbentzionaleko teknika desberdinak ez ezik, kirurgia laparoskopikoko azken prozedurak ere erabiltzen dituzte. Gero eta patologia gehiagotarako erabiltzen da kirurgia laparoskopikoa, hau da, sabelaldea ireki beharrik ez duen kirurgia, eta honek pazientea bere onera azkarrago etortzea eta operazio-ondoko konplikazioen arriskua murriztea ekarri du.
50 urtetik gorako biztanleriaren erdiak dibertikuluak ditu, nahiz eta askotan sintomarik gabekoak izan. Hantura edo infekzioa agertzen denean arazo bihurtzen da.
Euskadin, helduen % 46,4k gehiegizko pisua du, eta talde horren barruan, % 16k obesitatea du.
Osasun Ikastaroa, jendearentzat zabalik egongo dena lekuak bete arte, urriaren 24ean izango da, ostegunean, 19:00etan, Anoetako Reale Arenako prensa aretoan (0 atea)
José Luis Elósegui doktoreak, Policlínica Gipuzkoako zirujau orokor eta digestiboak, dioenez, denok jaiotzen gara arteriekin eta zainekin uzki-kanalean, eta dilatatzen direnean hemorroideak sortzen dituzte. Prebentzioa etxetik hasten da, baina garrantzitsua da espezialista baten balorazioa izatea, beste patologia batzuk baztertzeko.
Policlínica Gipuzkoak Da Vinci robot kirurgiko berria inauguratu du. Modernoagoa da, eta kirurgia urologikoak, kirurgia orokorrak eta otorrinolaringologiakoak egiteko aukera ematen du. José Luis Elósegui kirurgialari orokorrak kirurgia robotiko bidez egindako lehen kirurgia orokorreko ebakuntza egin berri du Policlínica Gipuzkoan. Gaur egun, Policlínica Gipuzkoa da Da Vinci robot kirurgikoarekin kirurgia orokorreko ebakuntzak egiten dituen Gipuzkoako ospitale bakarra.
