Poliklinika Gipuzkoako Diziplina Anitzeko Loaren Unitatea da Gipuzkoan martxan jarri den mota horretako lehenengo unitatea.
Unitate honek haurren lo-asalduretan eta helduen lo-patologietan espezializatutako zerbitzu klinikoa eskaintzen du, esaterako: apnearen sindromea, zango geldiezinak, epilepsia, gaueko izuak, higiene ezegokia, hipnotikoak, loaren hasiera, erritmo zirkadianoa, lo-ibiltzea, loa eta esna-aldia, amesgaiztoak, loaldi motza edo luzea, haurdunaldiarekin edo hilerokoarekin lotutako lo-asaldurak.
Medikuntza-espezialitate hau oso garrantzitsua da, ondo lo egitea osasun ona edukitzeko oinarrietako bat delako; eta gaur egun, urteetako ikerkuntzaren ostean, loaren patologia oro diagnostika eta trata daitekeelako.
Loaren Apnearen Sindromerako eta loak eragindako beste arnas-patologia batzuetarako diagnostikoa eta tratamendua eskaintzen ditu.
Gaixotasun horri lotutako erikortasuna saihesten du. Hona hemen Loaren Unitatean artatzen diren gaixotasunik ohikoenak:
Prozedura
Polisomnografia bidez diagnostikatzen da, arriskurik gabeko diagnosi-proba ez-erasokorra. Loa eta horren faseak aztertzea ahalbidetzen du, zenbait aldagai fisiologiko aldi berean erregistratuz, hala nola jarduera elektroentzefalografikoa, begiena, muskularra, kardiakoa eta arnasketakoa.
Gaixoa gau batez ospitaleratzen dugu, eta azal bidezko erregistroa egiten duten elektrodo batzuei konektatuta lo egiten du. Kontsultara bikotekidearekin joatea gomendatzen da, loaren historia objektibo bat egiteko. Azterketa bakarka egiten da, eta gaixoa bakarrik ospitaleratzen da.
Diagnostikoaren ondoren, tratamendu pertsonalizatua egiten da. Unitatean bertan egin daiteke, loaren kalitatea hobetzeko neurri orokorren bidez edo loaldian arnas egiten laguntzeko gailu mekanikoen bidez.
Hona hemen patologia horiek jasaten dituzten gaixoen profila
Gizonezkoa, zurrungari akutua, loaldian arnas-geldialdiak egiten ditu, gehiegizko pisua dauka, eta gauez gaizki atseden hartzen du eta egunez gehiegizko logura dauka.
Haur gaixoen profila
Zurrunga egiten duten haurrak, gauez arnas-geldialdiak dituzte, eta egunez, aldiz, portaera-asaldurak (hiperaktibitatea eta logura).
Tratamenduaren prezioa
Loaren apnearen azterketaren prezioa: 600 €.
Poliklinikarekin lan egiten duten aseguru-etxe guztiek estaltzen dute, espezialista batek hala aginduz gero.
Emaitzak astebete -10 egunen buruan lor daitezke gutxi gorabehera.
Segundo Ramírez doktoreak, Policlínica Gipuzkoako Loaren Unitateko neurofisiologoak, aholkuak ematen ditu asteburu honetako ordu-aldaketari hobeto aurre egiteko, batez ere bularreko haur eta adineko pertsonentzat.
“Egunaren azken orduan gailuak erabiltzea, besteak beste mugikorra, ordenagailuak eta tabletak, loaren fasea atzeratzearen sindromea eragin dezake. Pantailen argi-intentsitateak melatoninaren askatzeari eragiten dio eta erritmo zirkadianoak atzeratzen ditu egunero erabiltzen badira”, ziurtatu du Ana Arena Poliklinika Gipuzkoako Loaren Unitateko neurofisiologoak.
Pneumologiako Europar Elkartearen ikerlan baten arabera, SAOSa (loa eragozten duen apnearen sindromea) duten Europako bost milioi biztanlek gidatzen ari diren bitartean lo geratzeko arriskua dute. “SAHSak (loaren apnea-hipopnearen sindromea) bizi-funtzioei eragiten die eta oso modu larrian gainera. Nahasmendu depresiboak, suminkortasuna, narriadura intelektuala, oroimena galtzea, arteria-hipertentsioa (HTA), biriketako hipertentsioa, bihotzeko patologiak (arritmiak, kardiopatiak) edo goizeko buruko mina eragitera irits daiteke”, adierazi du Ana Arena Poliklinika Gipuzkoako neurofisiologoak. “Gizonezkoen erdiek eta menopausiatik aurrera emakumezkoen erdiek zurrunga egiten dute. Loarekin lotutako fenomenorik arruntena da”, azaldu du Ana Arenak.
Denbora gehiago jasan dezakegu jan eta edan gabe, lo egin gabe baino. Atseden hartzea ezinbestekoa da osasunerako; izan ere, egiaztatuta geratu da bizitza osoan zehar ohitura txarrak edo lo falta dituen pertsonaren ongizateari zuzenean eragiten diola, patologia ezberdinak eta bihotz-gaixotasunak jasateko arrisku handiagoa daukatelako. Horregatik, garrantzitsua da haurrek atsedenerako ohitura onak har ditzatela. “Haurrek gaur egun behar dutena baino gutxiago lo egiten dute, eta ez gara ohartzen haien garapen kognitiboari eragin diezaiokeela horrek” ziurtatu du Poliklinika Gipuzkoako Ana Arena neurofisiologoak.
