Kirol-Azterketa
Azterketa sakona zure errendimendua areagotzeko
Kirol-azterketa jarduera fisikoa maiztasunez egiten duten pertsona guztientzat diseinatu da, eta baita exijentzia maila handiagoa edo kirola maila profesionalean praktikatzen dutenentzat ere. Azterketa kasu zehatz bakoitzari egokituko zaio.
Azterketaren zuzendari medikoa kirol-medikuntzan espezializatuta dago, eta banan-banan aztertuko du gaixoaren jarduera motaren eta aurrekarien arabera zer proba espezifiko gehitu behar zaion.
Zein da azterketaren xedea?
Kirol Azterketaren xedea kirolariaren osasun-egoera azterketa osatu baten bidez ebaluatzea da, hainbat espezialistek koordinatuta, Kirol Medikuntzako adituek barne.
Azterketak kirol zehatz bati elkartutako arriskuak prebenitzen laguntzen du, eta kirolariaren errendimendua areagotzeko gakoak ematen ditu.
Nork koordinatzen du?
Zuzendari medikoak espezialista guztien koordinazioa eta proba diagnostikoak ziurtatuko ditu, aditu bakoitzaren ikuspegitik balorazio espezifikoa lortu, eta, hala, diagnostiko integrala eta osatua emateko zuri.
- Aditu prestigiotsuekin
- Laguntzailea edukiko duzu prozesu osoan zehar
- Egunean bertan, azterketaren hasierako balorazioa, txosten medikoa eta balorazio pertsonalizatua lor ditzakezu.
Barne hartzen dituen proba medikoak
- Odol-azterketa: muskuluen eskakizun maila eta odolean oxigenoa garraiatzeko ahalmena neurtzen duten parametroak baloratzea
- Lokomozio-aparatuaren azterketa: espezialista batek hezurren eta muskuluen egoera fisikoa baloratzen du, eta pertsonaren gorpuzkera eta adina ikusita jarduera fisikoa egiteko modu aproposenari buruz aholkatzen du
- Atsedeneko elektrokardiograma; bihotzaren jarduera elektrikoa baloratzen da, geldi egotean
- Esfortzu-proba (ergometria): bihotzak nola erantzuten duen aztertzeko ahalegin bat egiteko eskatzen zaionean, eta anginak edo arritmiak detektatzeko ere bai
- Espirometria: biriketako funtzioa baloratzen du
- Esfortzu-proba gasen neurketarekin*: bihotz-biriken integrazioaren benetako egoera eta esfortzuan zehar kontsumitutako oxigenoa baloratzeko; gainera, etengabeko azterketekin, kirola aldizka praktikatuta errendimendua nola hobetu den ikustea ahalbidetzen du
- Ekokardiograma: bihotz-balbulen egoera eta haien bitartez odolaren igarotzea baloratzen ditu, eta arritmiak edo anginak detektatzen ditu
- Azterketa zineantropometrikoa: mugimenduak eta anatomia bateratzen ditu, eta ariketaren egokitasuna eta haren eskakizunak baloratzen ditu. Gantz, muskulu eta hezur-ehunduraren portzentajeak neurtzen dira, eta atletaren neurriarekin, pisuarekin, eskumuturraren diametroekin eta ukondoaren zabalerarekin erlazionatzen dira
- Nutrizio-azterketa, elikadura-jarraibide pertsonalizatuekin
