Alberto Hernández doktorea, Policlínica Gipuzkoako bizkarrezurrean aditua den traumatologoak azaldu duenez, “osteoporosiak, sarkopeniak eta gaixotasun neurodegeneratiboek egoera hori garatzen lagun dezakete”.

Helduen eskoliosia ohiko patologia bat da, 60-65 urtetik gorako pertsonen herenari eragiten diona, eta ohikoagoa da emakumeen artean. Ekainean bere kontzientziazio-hilabetea ospatzen duen patologiak, “mina sor dezake bizkarraren beheko aldean edo hanketarantz irradiatu, nerbio-konpresioaren ondorioz, hernia diskalek edo estenosi espinalek eragindako minaren antzekoa”, azpimarratzen du Alberto Hernández Policlínica Gipuzkoako bizkarrezurreko traumatologoak. 

Alberto Hernándezen hitzetan, “helduaren bi eskoliosi-talde handi daude, nerabezarotik jarraitzen duten eskoliosiek egiturazko patroi bat jarraitzen duten bitartean, endekapenezko eskoliosia, bizkarrezurraren arkitektura asimetrikoa eragiten duten endekapenezko aldaketa txikien emaitza da, eta  “S” forma hartzen du.

Policlínica Gipuzkoako bizkarrezurreko kirurgian adituaren iritziz, “helduaren eskoliosiaren garapenean osteoporosia, sarkopenia edo muskulaturaren garapen asimetrikoa bezalako faktoreek esku hartzen dute, nahiz eta gaixotasun neurodegeneratiboek ere garapena erraztu dezaketen”.

“Alberto Hernandezek gaineratzen duenez, 60-65 urtetik aurrera, biztanleriaren heren batek ere izan dezake helduen eskoliosi-mailaren bat. Askotan, pazienteek bizkarrezurrarekin lotutako beste arazo batzuengatik proba diagnostikoak egin ondoren aurkitzen da eskoliosia”.

Horregatik, Policlínica Gipuzkoako traumatologoak espezialistarengana joatearen garrantzia azpimarratzen du, edozein sintomen aurrean. “Diagnostikoa miaketa fisiko zehatz baten bidez egiten da, erradiografiak eta erresonantzia magnetikoak bezalako irudi-probekin berresten da”, azaltzen du Hernandezek.

“Eskoliosiaren tratamendua aldatu egiten da paziente bakoitzaren larritasunaren eta sintomen arabera. Baliteke eskoliosi arinek tratamendu espezifikorik behar ez izatea, eta larrienek, berriz, fisioterapiatik eta ariketatik hasi eta kirurgia zuzentzaileetara arteko esku-hartzeak behar izatea”, adierazten du.

Policlínica Gipuzkoako bizkarrezurrean aditua den Alberto Hernandezen hitzetan, “eskoliosia osasun-arazo esanguratsua eta arrunta da, eta arreta espezializatua behar du egoera horrek erasandako pazienteen bizi-kalitatea hobetzeko. Izan ere, gaur egun haien arazoa konpontzeko eta bizi-kalitatea hobetzeko tratamendu desberdinak daude”.