Quirónsalud Donostia Eguneko Ospitaleko Laguntza Bidezko Ugalketa Laborategiko zuzendaria, Espainiako 50 doktore onenen artean hautatu du Vanitatis-ek.

Miren Mandiola, Quirónsalud Donostia Eguneko Ospitaleko Laguntza Bidezko Ugalketako Laborategiko zuzendaria, Espainiako 50 doktore onenen artean hautatu dute bigarren urtez jarraian, Vanitatis-ek egindako zerrendaren arabera. Aitorpen horrek bere ibilbide profesional nabarmenari eta ugalketa-medikuntzaren arloan egindako ekarpenak balioesten ditu.

Zerrenda 2024ko  urriaren 29an argitaratu zen, eta bere arlo medikoetan proiekzio eta bikaintasun handiena duten espezialistak nabarmentzen ditu. Laguntza bidezko ugalketa-tekniken berrikuntzan aitzindari izateagatik sartu da Mandiola doktorea. Mugarri garrantzitsuak izan ditu: in vitro ernalketa bidezko lehen jaiotza Gipuzkoan, eta inplantazio aurreko diagnostiko genetikoen erabilera aitzindaria eskualdean.

Mandiola doktoreak hiru hamarkada baino gehiago daramatza familiei laguntzen. Egindako lanari esker, 6.000 haur baino gehiago laguntza bidezko ugalketa-tekniken bidez jaio dira Gipuzkoan eta Bizkaian, eta Policlínica Gipuzkoa eta Quirónsalud Donostia Eguneko Ospitalea erreferente nazional bihurtu ditu arlo horretan.