Pazientea 85 urteko emakume nafarra da eta balbula aortiko bat txertatu diote “mitral posizioan” inbasio urriko kirurgia erabiliz.
Pazienteak, balbulopatia mitral batek eraginda, aurrez txertatua zuen protesi mitralaren gutxiegitasun zorrotza zuen.
Policlinicako taldea azaletik barna balbulak txertatzeko teknika horietan trebetasun eta esperientzia gehien dutenen artean kokatzen da Espainian. Hala, disfuntzioa zuen protesi mitralaren barnean balbula aortikoa txertatu zitzaion inbasio urriko kirurgia-teknika bat aplikatuz (ezkerreko minitorakotomia batekin bihotzera iristea lortu zen, ezkerreko bentrikuluaren puntatik –apex-).
Policlinica Gipuzkoak Osasun Ikasgelaren 2. edizioa inauguratuko du bihar Eibarren. 2013ko edizio honek lau hitzaldi barneratzen ditu.
Biharko hitzaldian Enrique Perez Ayala Kirol Medikuntzako adituak, beste alderdi batzuen artean, kirol-jardunean elikagai-indargarriak eta edari isotonikoak nola kontsumitu behar diren azalduko du.
Policlinica Gipuzkoa ospitale erreferentea da Kirol Medikuntzan eta Real Sociedad klubaren mediku-zentroa da.
POLICLINICA GIPUZKOAREN OSASUN IKASGELA EIBARREN
Hitzaldia:“EGIN KIROLA ZENTZUZ. Ezagutu nola kontsumitu behar diren elikagai-indargarriak eta edari isotonikoak”
Eguna:2013ko Maiatzak 15, asteazkena
Ordua:19:30
Lekua:Portalea Kultura Etxea. Sarrera doakoa edukiera bete arte
Eibar, 2013ko maiatzak 14.- Policlinica Gipuzkoak Osasun Ikasgelen 2. edizioa inauguratuko du bihar (maiatzak 15, asteazkena), arratsaldeko zazpi eta erdietan (19:30), Eibarreko Portalea Kultura Etxean. Zikloan lau hitzaldi barneratzen dira, 2013an zehar burutuko direnak. Hitzaldi horietan Policlinica Gipuzkoako aditu ugarik parte hartuko dute herritarrei azken aurrerapenak ekarri eta medikuntzaren arlo ezberdinei buruzko gomendioak egiteko.
Biharko hitzaldia Kirol Medikuntzako aditua den Enrique Perez de Ayalak emango du. “EGIN KIROLA ZENTZUZ. Ezagutu nola kontsumitu behar diren elikagai-indargarriak eta edari isotonikoak” izenburupean Policlinica Gipuzkoako Kirol Medikuntza Zerbitzuko buruak elikagai-indargarriak eta edari isotonikoak modu egokian nola kontsumitu behar diren azalduko du, kirol-jardun osasungarria egiteko hainbat gomendio emateaz gain.
“Deshidratazioa kontuan hartzeko fenomenoa da kirol-jardunean. Bereziki, iraupen-lasterketetan hartzeko edari egokia gatz mineralak eta azukreak kopuru orekatuan banatuta dituen hura da”, azaldu du Perez de Ayala doktoreak. Gainera, aipatu duenez, elikagai-indargarriak hartu aurretik, kirolariari metabolismoa aztertu behar da, bere energia-maila ezagutzeko.
Asfaltoko edo mendiko lasterketa bat edota beste edozein kirol egin ahal izateko ezinbestekoa da osasun-azterketa egitea, osasuna arriskuan jar dezaketen balizko kausak hautemate aldera. Adituak ziurtatzen duenez, Policlinica Gipuzkoako Kirol Medikuntza Zerbitzuan “entrenamendu egokitu eta pertsonalizatua planifikatzen da. Horretarako, kirol arloan esfortzu-proben bidez jasotzen diren datuak baliatzen dira abiapuntu gisa, modu horretan, oxigeno-kontsumoa zehazten da eta muga anaerobikoa edo giharretako akiduraren maila finkatzen da”.
Azterketa horietan zintan egiten den proba bat barneratzen da, lasterketan ematen den oinkada bideoz grabatzen delarik, dagozkion zuzenketak egin ahal izateko. Gainera, Zerbitzu horretan esfortzuko protokolo espezifiko bat jarraitzen da mendi-lasterketan ibiltzen diren edo trekking-irteerak egiten dituzten pertsonentzat. Horrela, lasterketaren edo martxaren erritmoa egokitzen da.
Adituak azpimarratzen duenez, kirolariek beren gaitasun fisikoa %30 areagotu dezakete, mediku-kontrolak eginez. Policlinica Gipuzkoa ospitale erreferentea da Kirol Medikuntzan eta Real Sociedad klubaren mediku-zentroa da.//
Hiriak International Meeting for Autism Research (IMFAR) izenekoaren XII. edizioa hartuko du bihartik aurrera. Autismoaren inguruan nazioartean erreferente den kongresu horretan 1.500 ikertzaile baino gehiago elkartuko dira Gipuzkoako hiriburuan eta gaixotasunarekin lotutako 800 ikerlan baino gehiago aurkeztuko dira.
IMFAR gaixotasunaren inguruan urtero egiten den topaketa da eta, aurten, lehen aldiz garatuko da ingeles hiztuna ez den Europako herrialde batean.
Gipuzkoako Poliklinika Fundazioak antolatu eta zuzenduko du IMFAR 2013.
Kongresuaren atariko modura, IMFAR aurreko eguneratze ikastaro bat burutu da gaurko egunez tokiko, estatuko eta Europako 600 gonbidaturi zuzendua, nazioarteko aditu ugarik parte hartu dutelarik.
Halaber, Kursaaleko Ganbera Aretoan IMFAR topaketari harrera egiteko kontzertu berezia ospatu da Euskadiko Orkestra Sinfonikoaren eskutik. Aurrez, Yoko Onok bideoz egindako agurra eta James Hobley dantzariaren (autismoa duen dantzari britainiarra) ikuskizuna izan dira ikusgai.
Donostia, 2013ko maiatzak 1.- Bihartik aurrera eta datorren larunbata bitartean (maiatzaren 2tik 4ra) autismoaren ikerketan nazioartean garrantzi gehien duen topaketa zientifikoa hartuko du Donostiak. Gipuzkoako Poliklinika Fundazioak antolatu eta zuzendutako topaketan bost kontinentetako zientzialariak elkartuko dira autismoaren diagnosi, kausa eta gaixotasunarekin lotutako nahasmenduen tratamenduari buruzko azken aurkikuntza eta ikerketen inguruan eztabaidatzeko (*Programa atxikitzen da).
IMFAR 2013 topaketan kontinente guztietako 1.500ikertzaile baino gehiago elkartuko dira Donostian eta autismoari buruzko 800 ikerlan berri aurkeztuko direla aurreikusten da.
Lehen aldiz ospatuko da IMFAR ingeles hiztuna ez den Europako herrialde batean. 2008. urtean soilik ospatu zen Iparramerikatik at. Orduan Londresen garatu zen. Horrenbestez, Donostia leku historikoa izango da, autismoaren ikerketan “munduko gailurtzat” jo ohi diren zientzia-ekitaldi garrantzitsu horiekin lotuta.
Topaketa gaur aurkeztu da prentsaurrekoan. Bertan gaixotasunarekin lotutako hainbat ikerlan eta ikerketa aurkeztu dira. Besteak beste, terapietan errobotak erabiltzeari buruzkoa eta terapietan erabiltzeko hobekuntza-mekanismo neuronalei buruzkoa. Horiez gain, hainbat kasu praktiko azaldu dira. Kaliforniako Unibertsitatea, Yale Unibertsitatea, Notre Dame Unibertsitatea edo Marcus Autism Center dira punta-puntako ikerketa eta ikerlan horien egileak.
Halaber, Kongresuaren atariko modura, IMFAR aurreko eguneratze-ikastaroa garatu da gaur, zortzi orduko iraupenekoa, eta tokiko, estatuko eta Europako 600 gonbidaturi zuzendua. Tartean nazioarteko aditu ugari izan dira eta, horrez gain, euskara, gaztelania, frantsesa eta ingeles hizkuntzen arteko itzulpen zerbitzua gaitu da.
Orobat, Kursaaleko Auditoriumean IMFAR topaketari harrera egiteko kontzertu berezia ospatuko da arratsaldean Euskadiko Orkestra Sinfonikoaren eskutik. Aurrez, Yoko Onok bideoz egindako agurra eta James Hobley dantzariaren (autismoa duen dantzari britainiarra) ikuskizuna izango dira ikusgai.
Autismoa
Autismo haurtzaroaren garapeneko nahasmendu neurobiologikoa da. Normalean, eragin negatibo nabarmena izan ohi du gaixotasuna duten haurrengan. Sozializazioan, komunikazioan, irudimenean eta portaeran atzerapenak eta mugak izatea; horiexek nahasmenduaren ezaugarrietako batzuk. Maiz bestelako ezintasun edo osasun-arazo batzuekin batera ematen da. Gainera, autismoa pairatzen duten pertsona gehienek gutxieneko bizi-kalitatea garatzen laguntzeko neurriak behar izaten dituzte bizitza osoan zehar. Egun nazioartean diagnosirako erabiltzen diren irizpideen arabera, autismoa orokorrean pentsatzen dena baino maizago agertu ohi da. Hala, ikerketa sofistikatuenen arabera, AEBko zortzi urteko 88 haurretatik batek izan ohi du autismoa (mutikoen artean maizago ematen da, zehazki esatera, 54 mutikotik batek izan ohi du). Haatik, Hego Korean berriki egindako ikerketa sakon batean ikusi ahal izan denez, zazpi eta hamabi urte bitarteko 38 haurretatik batek autismoa pairatzen du.
Hori dela eta, herrialde ugaritan autismoari aurre egiteko plan bereziak gaitu dira eta nahasmendu hori hobeto ulertu, tratatu eta, etorkizunean, kasu batzuk sendatu edo prebenitzeko (gaur egun hori ezinezkoa da) baliabide asko finkatu dira. Horregatik, IMFAR topaketak munduko ekipamendu onenak elkartzea ahalbidetzen du. Horrela, pertsona eta familia asko eta askorentzako aurrerapen eta itxaropenerako arrazoia da.
DONOSTIAutism: IMFAR 2013 zehazteko herri-ekimena
Hitzordu garrantzitsu honen harira, azken hilabeteetan herritarrak autismoaren inguruan sentsibilizatzeko hainbat ekitaldi garatu dira Donostian. IMFAR (International Meeting for Autism Research)topaketarekin jarriko zaio azken puntua ekimenari.
Ekitaldiak 2012an hasi ziren eta aurten ere izan dira. Datozen egunetan, oraindik, izango dira hitzorduak, egutegi honen arabera:
2013ko apirilak 29 / maiatzak 5 (Kursaaleko Terrazak) – Laguntza premia duten pertsonen asistentziarako teknologiaren LaguntzaTEK erakusketa, Donostia Sustapenak babestuta.
Maiatzak 1 / 2 / 3 / 4 (Kursaal Kongresuen Jauregia). Ekimen aitzindaria Kongresuen Jauregian. Diseinu unibertsaleko seinaleak paratuko dira zientzia-jarduneko egunetan. Horretarako, muga intelektual edo komunikaziozkoak dituzten pertsonek ulertzeko moduko piktogramak erabiliko dira (ARASAAC atariarekin lankidetzan).
Maiatzak 2 / 3 / 4 (Kursaal Kongresuen Jauregia) – International Meeting for Autism Research topaketa burutuko da (IMFAR 2013).
Maiatzak 2 / 3 (Inbiomed; Basque Center on Cognition, Brain and Languaje; Gipuzkoako Medikuen Elkargo Ofiziala eta Andia kaleko Kutxako ekitaldi-aretoa) – Kongresutik adituek irteerak egingo dituzte Gipuzkoako profesional eta ikertzaileekin topaketak burutzeko.
Maiatzak 4 / 5 (NH Aranzazu Hotela) – Gautenak Europako Autismoaren Urteko Kontseilu eta Asanblada antolatuko du. Bertan, 30 herrialdetako kaltetutako pertsonen senideen 80 elkarte baitaratzen dira.
Maiatzak 1 / 2 / 3 (Haizearen Orrazia, Santa Clara irlaren itsasargia, Udaletxeko fatxada, Kursaaleko fatxada) – Gaueko argiztapena kolore urdinez IMFAR topaketak burutzen diren bitartean, Donostiak autismoari emandako babesaren erakusgarri.
Maiatzaren 1 asteazkenean, Euskadiko Orkestra Sinfonikoak, Fernando Velázquez konpositoreak zuzenduta, hilaren 2, 3 eta 4ean Donostian izango den International Meeting for Autism Research (IMFAR) 2013 topaketaren harrera kontzertua eskainiko du. Emanaldiaren aurretik Yoko Onoren bideo-agurra emitituko da auditorioan eta kontzertuan, halaber, James Hobley autismoa duen britaniar dantzaria ariko da.
Euskadiko Orkestrak askotariko egitaraua eskainiko du, Beethoven, Rossini, Fauré edo Bizeten lanak John Lennon, John Williams edo Fernando Velázquezenekin batera. Fernando Velázquezek berak zuzenduko du Orkestra. Bi bider Goya sarietan nominatua, Ojo Crítico 2012 saria eta Malagako Zinema Jaialdian saritu berri duten getxotar konpositorea sarritan aritzen da Euskadiko Orkestrarekin lankidetzan. 2009an “El mal ajeno” pelikularen soinu banda grabatu zuten elkarrekin eta ondoren “Madera de deriva” doinua, Jorge Drexler kantautoreak gailu mugikorretarako sortutako “n” aplikaziorako. Joan zen irailan izandako Zinemaldian Juan Antonio Bayonaren “Lo Imposible” filmeko soinu bandaren zuzeneko estreinaldia burutu zuten EOS eta Fernando Velázquezek.
James Hobley dantzaria, lehenbiziko aldiz Kursaal Auditoriko eszenatokian. Kontzertuan gainera James Hobley autismodun britaniar dantzari gaztea ariko da. Komunikabideek “benetako Billy Elliot” gisa ezagutzera eman dutena, “Britain’s Got Talent” britaniar telebistako saio arrakastatsuko finalista izan zen 2011. urtean.
• Gailu buxatzaile baten bidez bihotzaren ezker belarritxoa ixtean bizi osoan zehar ahoko antikoagulanteak (Sintrom) hartu behar izatearen mendekotasunetik libra ditzake pazienteak betiko.
Gipuzkoako Poliklinikako Hemodinamika Zerbitzuak joan den apirilaren 18an (osteguna) egin zuen lehen aldiz halako ebakuntza Euskadin.
Pazientea 66 urteko gizonezkoa zen, tamaina handiko gibel-angioma zuena. Duela zenbait hilabete palpitazioak nabaritzen hasi zen eta fibrilazio aurikularrak eragindako arritmia osoa hauteman zitzaion, antikoagulatzea eskatzen zuena.
Bere gibel-angioma odol-jarioan hasteko arriskua zela medio, ezker belarritxoa larruazaletik ixteko erabakia hartu zen.Pazienteak onera egin zuen eta 48 ordu baino gutxiagoan ospitaleko alta jaso zuen.
Prozedura Hemodinamika Aretoan egiten da eta, gutxi gorabehera, bi orduko iraupena du.Gailua txertatzeak ez dakar arrisku handirik eta txertaketa hori egiteko esperientzia areagotu ahala arrisku hori murriztu egiten da.
Donostia, 2012ko apirilak 24.- Fibrilazio aurikularra izan eta bizi osoan zehar antikoagulante bat (Sintrom ezaguna) hartzera behartuta dauden pertsonek beste alternatiba bat dute. Gipuzkoako Poliklinikako Hemodinamika zerbitzua izan da Euskadin lehena Sintrom sendagaia ordeztu dezakeen teknika berri bat aplikatzen.
Ebakuntza berritzailea da, gailu buxatzaile baten bidez bihotzeko ezker belarritxoa ixtean datzana (duen formagatik belarritxo izendatzen den alferrikako apendizea). Prozedura bi ordu inguruan burutzen da eta hori eginda fibrilazio aurikularra pairatzen duten gaixoak Sintrom sendagaiarekiko duten betiko mendekotasunetik aska ditzake. Gailu hori txertatzeak ez du arrisku handitik eta txertaketan esperientzia areagotu ahala arrisku hori murriztu egiten da.
Joan den apirilaren 18an (osteguna) egin zen lehen aldiz halako ebakuntza Euskadin, Gipuzkoako Poliklinikako Hemodinamika Zerbitzuan. Pazientea 66 urteko gizonezkoa zen, tamaina handiko gibel-angioma zuena. Duela zenbait hilabete palpitazioak nabaritzen hasi zen eta fibrilazio aurikularrak eragindako arritmia osoa hauteman zitzaion, antikoagulatzea eskatzen zuena.
Bere gibel-angioma odol-jarioan hasteko arriskua zela medio, ezker belarritxoa larruazaletik ixteko erabakia hartu zen.Pazienteak onera egin zuen eta 48 ordu baino gutxiagoan ospitaleko alta jaso zuen.
Adituek diotenez, ebakuntza horrek hainbat abantaila ditu: “Gailuarekin garun eta hodietako istripu enbolikoak prebenitzen dira, hau da, ezker belarritxo aurikularrean kokatutako odolbilduek eragindako enboloen ondorioz garuneko arteriatan odol-fluxua murriztea. Halaber, teknika berritzaile horrekin odolbilduen aurkako tratamendua (ahoko antikoagulanteak) utzi egin daiteke, modu horretan, halako sendagaiak epe luzean hartuta izan ohi den hemorragia arriskua saihestu egiten da” azaldu du Mariano Larmanek, Gipuzkoako Poliklinikako Hemodinamika Zerbitzuko buruak.
Teknika berri horren bertute handiena munduan zehar antikoagulanteak hartzen dituzten milaka pertsonei ematen zaien itxaropena da, izan ere, Sintrom bidezko tratamendua utz dezakete bide hemodinamikotik bi ordu eskasean egiten den ebakuntza txiki hori eginez.
Espainian, gaur egun, Sintrom sendagaia da medikuen kolektiboak gehien agintzen duen sendagai antikoagulantea. Gutxi gorabehera, 800.000paziente dira antikoagulanteak hartzen dituztenak. Espainiako biztanleriaren % 1,5 eta % 2 arteko portzentajea da hori. Paziente horiek teknika hori balia dezakete egunero altzoan daramaten pilulari agur esateko. //
• Bihar, asteartez (apirilak 16), egingo da topaketa, arratsaldeko bost eta erdietan (17:30) Gipuzkoako Poliklinikako ekitaldi-aretoan. Sarrera doakoa izango da, edukiera bete arte sartu ahal izango delarik
Topaketa horietan bihotzeko patologiak dituzten pazienteei laguntza emateko saioak egingo dira.
III. topaketa horretan Elena Yanguasek parte hartuko du, osasunaren psikologian aditua. Bera izango da topaketak zuzentzeaz arduratuko dena.Gainera, hiru pazientek beren bizipenen inguruko azalpenak emango dituzte bertatik bertara.
Aurreko topaketek izandako arrakasta ikusirik (aurreko topaketan 80 pertsona baino gehiagok parte hartu zuten), elkarteak saio horiek urte guztian zehar antolatzen jarraitzea erabaki du Gipuzkoako Poliklinikaren lankidetzarekin.
Donostia, 2013ko apirilak 15.- Bihotz Bizi elkarteak bihotzeko ebakuntza egindako pazienteen hirugarren topaketa antolatuko du bihar, asteartez (apirilak 16). Ekitaldia arratsaldeko bost eta erdietan (17:30) izango da Gipuzkoako Poliklinikako ekitaldi-aretoan. Sarrera doakoa izango da eta edukiera bete arte sartu ahal izango da.
Bilkura horietan bihotzeko patologiak izan dituzten pazienteei laguntzeko saioak egiten dira. Hala, esperientziak trukatuz, antzeko egoera bizi duten beste paziente batzuen babesa jaso dezakete. Jose de la Fuente hizlaria izan zen bigarren topaketan eta elkarteko kide da. Bere hitzetan “bakoitzak bere esperientzia azaltzen du eta besteari baliogarri zaio halako arazo eta zailtasunak izan dituen bakarra ez dela ohar dadin”.
III. topaketa honetan Elena Yanguas psikologoak parte hartuko du, aurrerantzean saio horiek zuzentzeaz arduratuko dena. “Elkarteko kideen artean egindako inkesta baten emaitzak oinarri hartuta, gure jarduera eta dinamikak partaideei interesgarri zaizkien gaietara eramaten ditugu” adierazi du psikologoak.
Kasu honetan Maria Mogollo, Pablo Diaz de Guereño eta Teofilo Alejos izango dira beren esperientzien azalpenak emango dituztenak. Hala, beren bizipenak aipatzeaz gain, egun bizi duten egoerari buruzko informazioa emango dute. Bertaratzen den orok ekar dezake laguna, izan ere, sarritan familia euskarri sendoa izaten da esperientziak azaltzeko orduan.
Bigarren topaketaren arrakasta ikusirik (80 pertsona baino gehiago bertaratu ziren), Bihotz Bizi elkarteak urte guztian zehar saio horiekin jarraitzea erabaki du Gipuzkoako Poliklinikaren lankidetzarekin.
Bihotz Bizi Elkartea // www.corazonvivo.com
Bihotzeko ebakuntza egindako pazienteen bilkura horiez gain, Bihotz Bizi elkarteak beste hainbat jarduera burutzen ditu, esate baterako, hitzaldiak, bisitaldiak pazienteei, bihotz-hodietarako osasungarriak diren gosariak eskola-umeei zuzenduta, etab. Halaber, elkartearekin lankidetzan, Gipuzkoako Poliklinikak Osteratxo Kardiobaskular izenekoak antolatzen ditu. Jarduera hori lagungarria da pazienteentzat, bai errehabilitazio kardiakoari dagokionez, eta baita antzeko egoera bizi duten adiskide berriak ezagutzeko ere.
Irabazi asmorik gabeko elkarte hau bihotz-hodiekin lotutako gaitzak pairatzen dituzten pertsonek osatzen dute. Elkartearen helburua bihotz-hodietako gaitzak dituzten pazientei eta beren familiei laguntzea da. Horrez gain, herritarren artean informazioa zabaldu nahi da, bihotz-hodietako gaixotasunen agerpena prebenitze aldera, hori baita, gaur egun, gure gizarteko heriotza-kausa nagusiena. Gaur egun, elkarteak 300 bazkide baino gehiago ditu Euskadi osoan zehar.
Gipuzkoako Poliklinikak Emakumearen Unitate Integrala irekiko du, osasun pribatuan Gipuzkoan dagoen lehena eta zentro berean zerbitzu guztiak baitaratzen dituena
Gipuzkoako Poliklinikak datorren astelehenean (apirilak 8) Emakumearen Unitate Integral berria irekiko du. Unitate horrek espezialitate hauek baitaratzen ditu, besteak beste: Laguntza bidezko Ugalketa, horren inbaditzailea ez den kirurgia nahiz errobot-kirurgia eta kirurgia onkologikoa. Arlo horietan unitate erreferente izan nahi du Espainiako iparraldearentzat.
Unitate berriaren aurkezpenean Ignacio Gallo Gipuzkoako Poliklinikako Presidenteak Poliklinikako unitate berria osatzen duen mediku-taldea azpimarratu nahi izan du. Diziplina anitzeko taldea da, espezializazio-maila handikoa eta esperientzia egiaztatua duena. Halaber, Gipuzkoako Poliklinika Gipuzkoan Zainketa Intentsiboetako Unitatea (ZIU) baitaratzen duen ospitale pribatu bakarra dela azpimarratu du.
Gaur gauean, apirilak 2, Kursaal Jauregiko fatxada kolore urdinean argiztatuko da gauez, munduko eraikin enblematiko ugarirekin bat eginez, Autismoaren Nazioarteko Eguna dela eta.
Jarduera hori DONOSTIAutism izenekoan barneratzen da. Donostiako hiritarrak autismoaren inguruan sentsibilizatzeko urtea izen horrekin ezagutarazi eta antolatu du Gipuzkoako Poliklinikako Fundazioak. Ekimenaren une gorena maiatzaren 1etik 4ra bitartean izango da, orduan International Meeting for Autism Research (IMFAR) delakoa hartuko baitu hiriak.
IMFARespainieraz hitz egiten den Europako herrialde batean ospatuko da lehen aldiz eta autismoaren inguruko ehunka ikertzaile bertaratuko dira, autismoari buruzko 800 lan berri baino gehiago aurkeztuko dituztenak.
Donostia, 2013ko apirilak 2.- Gaur, apirilak 2, Autismoaren Nazioarteko Eguna ospatzen da. Hori dela eta, Kursaal Jauregiko fatxada kolore urdinean argiztatuko da gauean, munduko eraikin enblematiko ugarirekin bat eginez. Jarduera Gipuzkoako Poliklinika Fundazioak antolatu du Gautenaren lankidetzarekin.
Ekimena Gipuzkoako Poliklinika Fundazioak antolatu eta zuzentzen duen DONOSTIAutism urtean (hiritarrak autismoaren inguruan sentsibilizatzeko urtea) kokatzen da. Urtean zehar autismoa babesteko hainbat ekitaldi izango dira eta maiatzaren 1tik 4ra bitartean izango du une gorena, orduan IMFAR delakoa hartuko baitu hiriak. Kongresu hori da mundu mailan egiten den garrantzitsuena, izan ere, ehunka ikertzaile hurreratu ohi dira autismoaren inguruan egindako azken aurrerapenak aurkezteko asmoz. Lehen aldiz Europan ospatuko da, ingelesez hitz egiten ez den herrialde batean.
Joaquin Fuentes haurren psikiatra da eta Gipuzkoako Poliklinika Fundazioko presidentea. Berak ziurtatu duenez, IMFAR arrakasta izango da “autismoari buruzko 800 lan berri baino gehiago ditugu eta Donostian aurkeztuko dira. Hori izugarria da guretzat, autismoa pairatzen duten familia guztientzat aurrera egiteko itxaropena da”.
Apirilean zehar asko izango dira gauzatuko diren jarduera eta ekitaldiak, hainbat instituzioren eta herritarren babesa izango dutenak:
– Apirilak 2 (Kursaal Jauregian fatxada) – Gaueko argiztapena kolore urdinean, munduko eraikin enblematiko ugarirekin bat eginez, Autismoaren Nazioarteko Eguna dela eta.
– 2013ko apirilak 20 (Eureka! Zientzia Museoa) – Haur-sormenerako mintegi parte-hartzailea, Juan Gorritik girotuta, autismoa duten haurrekin eta haien ikaskideekin.
– Apirilak 29 (Convention Bureau) – D / SS INFO – PIKTO delakoaren doako argitalpena paperean nahiz euskarri digitalean. Argitalpen hori muga intelektualak edo komunikaziozkoak dituzten bisitariei zuzendutako hiri baten lehen seinale-gida unibertsala da, ARASAAC (Komunikazio Handigarri eta Alternatiborako Aragoko Ataria) atariaren lankidetzarekin burutua.
59 urteko donostiar bat, buxadura koronario larri bat zuena, Euskal Autonomia Erkidegoan gailu berriaren ezarpenaren lehenengo onuraduna izan da
– Sistema berria “Absorb” deitzen da, eta bere motako lehenengo hodi-gailu biobirxurgagarri farmakoaktiboa da.
– Bi urtera, gutxi gorabehera, gorputzak xurgatzen du eta, horrela, arteria koronarioak bere funtzionaltasuna lortzen du, eta arteria, beti, metalezko produktu bat egotea saihesten da.
– Egokia da gaixo gazteentzat edo, ondoren, operazio bat izateko arrisku handi bat duena.
– Euskal Autonomia Erkidegoan ezartzen den lehena da
– Poliklinikako Hemodinamika eta Bihotz Kirurgiako Zerbitzua, Osakidetzak kontzertatutakoa, erreferentzia bat da espezialitate horretan, eta, maiz, aitzindaria izan da bere lamen berritzailearen ondorioz.
Donostia-San Sebastián, 2012ko azaroaren 21a.– Gipuzkoako Poliklinikako Hemodinamika eta Bihotz Kirurgiako Zerbitzuak, Mariano Larman eta Ignacio Gallo espezialistak buru dituenak, joan den ostegunean, azaroaren 15ean, lehenengo “Absorb” gailua ezarri zion bere koronarioetan buxadura larria zuen 59 urteko donostiar bati. “Absorb”-aren, produktuaren merkataritza-izena, berezitasun handiena, hodi-gailu biobirxurgagarri farmakoaktibo bat dela da. Horrek esan nahi du buxatutako bihotz-hodi bat irekitzeko diseinatuta dagoela, orain arten, stent metalikoarekin egiten zen bezala, baina hori ez bezala, “Absorb” berria, gutxi gorabehera bi urtera, disolbatzen da, eta arteria koronarioari bere funtzionaltasuna berreskuratzeko aukera ematen dio. Modu horretan, metalezko stent bat hodian mantentzea saihesten da, eta, aldi berean, hodiak funtzio eta mugimendu naturalagoak izatea lortzen da, epe luzean horrek dituen abantailekin.
“Konponbide berri horrekin -Mariano Larman, hemodinamilariaren eta Ignacio Gallo, bihotzeko kirurgialariaren iritziz-, ohiko stentek dituzten arazoak minimizatzen dira, denborarekin, organismotik erabat desagertzen direlako”. “Hau da, -zehazten dute-, arteriaren horma konpontzen dute, stentek egiten duten bezala, baina hormari eusteko duten funtzioa bete dutenean, organismoak xurgatu edo hondatzen ditu”.
Gipuzkoako Poliklinikan, Osakidetzarekin kontzertatutako Hemodinamikako Zerbitzuak, urtero, 1.000 stent koronario inguru ezartzen ditu.
Abantailak
Bi espezialista horien aburuz, “Absorb” gailua gorputzean mugatutako denbora batez egoteak stentak dituen tronbosiko konplikazioak murriztu ditzake, gaixoak antieransketa bikoitzarekin medikatu behar den denbora laburtu dezake, eta horrekin, arrazoi horregatik sortutako albo ondorioak izateko aukera ere murrizten du. Beste aldetik, arteriatik gailua desagertzen denez, xurgatzen delako, zuhaitz koronarioaren gaineko irudien kalitatea hobetzen du, etorkizuneko azterketetarako; kaltetutako arteria horien gaineko etorkizuneko ebakuntzak egitea errazten du, arteriak metalezko objekturik ez duelako izango. Azkenik, gailu berriarekin lortzen da arteriak bere malgutasuna eta tonu normala berreskuratzea lortzen da. Horrek bere funtzionamendua errazten du, eta berriz gaixotzeko aukera minimizatzen du.
Gaixoen profila
Bi espezialisten hitzetan, une hauetan, “Absorb” gailu bat ezartzeko gaixo egokienak gazteak dira, bizitza aktibo bat dutenak, eta hori beren lehenengo birbaskularizatze prozesua izan behar denean, ” etorkizunean, erresonantzia edo eskanerrarekin egin beharreko irudi-prozedurak errazten dituela, eta birrebakuntzak ere errazten dituelako, bai anginoplastiaren zein kirurgiaren bidez egindakoak”.
“Era berean, -gehitu dute- berriz ebakuntzak izateko arrisku handia duten gaixoentzat eta metalei alergia dieten gaixoentzat egokia da”.
Gaixotasunaren arrazoiak
Mariano Larman hemodinamilariak esan duenez, “gaixotasun koronarioa, munduan, lehenengo heriotza-arrazoia da, eta arteria koronarioen gaixotasunaren arrazoi ohikoena ateroesklerosia da, ateroma-plaken eraketak sortutakoa. Horiek kolesterolaren eta beste gantz-osagaien, kaltzioren eta fibrinaren- odolaren koagulazioaren alde egiten duen sustantzia- pilaketak dira”. “Plaka horiek -adierazi du-, arteria koronarioen argiaren estutze bat sortzen dute, eta odola bihotzaren eremura modu egokian iristea galarazten duenez, kardiopatia iskemikoaren sintomak sortzen ditu, hala nola, bularreko angina edo miokardioko bihotzekoa”.
“Arteriek buxadura larriak dituztenean, une horretan, -baieztatu du Mariano Larmanek- gailu horiek ezarpena egokia da, eragindako eremuan zirkulazio koronarioa berrezartzeko”. “Horretarako, angioplastia koronario bat egiten dugu; lehen, horretan metalezko “stent” bat ezartzen genuen eta, etorkizunean, gailu birxurgagarri berriak aukeratu ahalko ditu”, amaitu du.
Bihotz-kirurgialaria den Ignacio Galloren ustez, “hau aurrerapen handia da bihotzaren munduan, bere egunean, angioplastia, stenta edo balbula perkutaneoa izan ziren moduan; bereziki, bihotzeko kirurgiarako, metalezko stentek ezartze diren hodia kaltetzen duen egitura zurrun bat dutelako eta, batzuetan, estututa ez dauden hodiaren beste adar batzuk buxatzen dituztelako; gainera, organismoa betiko gelditzen dira, eta kontuan izan behar dugu objektu arrotz bat dela, kirurgialariak ondoko kirurgia bat behar bada aurkituko duena”.
Poliklinikako Hemodinamika eta Bihotz Kirurgiako Zerbitzua aitzindaria izan zen ere balbula perkutaneoen ezarpenean. Horrela izanik, Espainian ebakuntza horretarako homologazioa duen ospitale gutxietako bat da, eta jarduera-bolumen handiena duena.
“Absorb” gailuaren ezaugarriak
Azido polilaktikoz (PLA) eginda dago, inplante medikoetan erabili ohi den materialaz, jostura xurgagarrietan eta horrelakoetan erabiltzen den horretaz. “Absorb”ek buxatutako hodia irekitzen du, bihotzaren odol-jarioa berrezartzeko. Sistemak, mailazko hodi baten antza duenak, euskarri bat eskaintzen du arteriak endotelizatzen duen arte, eta irekita mantendu daiteke laguntzarik gabe, eta ondoren, gutxika- gutxika, disolbatzen da eta, bi urtera, desagertzen da. Betiko metalezko stent bat geratzen ez denean, hodiaren funtzioak modu naturalean berrezartzen dira, eta ezaugarri horrek, beste hainbaten artean, gailu hori gaixoentzat berrikuntza garrantzitsu bat izatea egiten dute, gaixotasun koronarioaren tratamenduan.
2011ko urtarrilean, Abbottek aditzera eman zuen “Absorb”ek CE marka jaso zuela gaixotasun koronarioaren tratamendurako, eta Europan eta beste herrialdeetan saltzeko baimena zuela, zehazki, marka hori aitortzen duten herrialdeetan. Espainian, jada, 150 gailu inguru ezarri dira.
Egun hauetan Bilbon Biospain Feria egiten ari denez Gipuzkoako Poliklinikak hazkunde-faktoreen aplikazioan izandako emaitzak argitaratzen ditu
Ignacio Gallok zuzentzen duen bihotz kirurgiako taldea oinarrizko ikerkuntzako bi ikerketen liderra izan da hazkunde-faktoreekin: lehenengoan bularrezurraren birsorkuntzari emandakoa bihotzeko kirurgia ondoren, 2008an fase klinikoan sartu zen pazienteekin, emaitza bikainak lortuz ikertutako 2.000 paziente baino gehiagorengan.
Eta bigarrena, miokardioaren birsorkuntzara orientatuta infartuaren ondoren, ardiekiko fase esperimentalean, oraindik bere laborategian, oso emaitza itxaropentsuak lortuz eta erritmo onera aurrera eginez. Hazkunde-faktore gehienak proteina-izaerako substantziak dira, odolean daudenak. Haien funtzioa zelula-ugaritzea piztea eta birsorkuntza eta orbaintze prozesua bizkortzea da.
Ignacio Gallo bihotzeko kirurgialariak azaltzen duen bezala, “medikuntza birsortzaileak oso itxaropentsua den etorkizun bat irekitzen du, bihotzeko ebakuntza izandako gaixoen bizi-kalitatean aurrerapen handiak ekarriko dituena”. Ignacio Gallok zuzentzen duen Bihotzeko Kirurgiako taldeak aitzindaria da bihotzeko kirurgian hazkunde-faktoreak aplikatzen bularrezurra birsortzeko, eta aplikatzen hasi zenetik emaitza bikainak lortu ditu, nazioarteko aldizkari zientifiko nagusiek argiraratu dituztela. Horretako, Gasteizko Parke Teknologikoan, Miñaon, ebakuntza-gela esperimental bat du.
Hori bere lankideekin eta bere nor bere espezialitateetako hazkunde faktore aplikazioko aitzindariekin batera erabiltzen du: Mikel Sánchez traumatologoarekin eta Eduardo Anitua aurpegi-masailetako kirurgialariarekin, alegia. Bularrezurraren orbaintzea Bihotzeko kirurgiako ebakuntza orok bularrezurra puskatzea eskatzen du, bihotzera iristeko.
Orbain ikaragarri horrek, luzeran 35 zentimetro inguru dituenak, batzuetan, prozeduraren protagonista ezatsegin bihurtzen zen, orbaintze-prozesuak ekartzen duen arriskuarengatik; infekzio posibleekin, ondoeza mingarriak, etab. “Kontrolatutako pazienteen %6k zailtasunak zituzten zauri honen orbaintzean eta bularrezurrekoz auriaren finkapen txarragatik konplikazio bat jasaten duten gaixoen heriotza-tasa %40ra irits daiteke”, Ignacio Gallo Bihotzeko Kirurgialariak baieztatzen du.
Hazkunde-faktoreak aplikatuz, Ignacio Galloren taldeak erakutsi du, horiek 2.000 gaixo baino gehiagoetan aplikatu ondoren, “ebakuntza ondoko prozesuko ondoezak nabarmen murriztu direla, orbaintzea bizkortu dela, infekzio-prozesuak ekidin direla eta gaixoak azkarrago eta ondoeza gutxiagorekin osatu direla, eta salbuespenak izan dira beste ebakuntza bat eskatu duten kasuak”. Talde honek sortutako emaitzen arabera, hazkunde-faktorerik gabe, bularrezurreko zauriaren konplikazioak ematen dira bihotzeko ebakuntza izandako gaixoen %6an. Gainera, Gipuzkoako Poliklinikak bere bihotzeko kirurgiako jarduera, 1988tik, Osakidetzarekin kontzertatua du. Horregatik, gaixo horiek ere bihotzeko kirurgian hazkunde-faktoreek eskainitako aplikazioaren abantailak izan ahalko dituzte. Miokardioa birsortzea Bihotzeko kirurgialaria den Ignacio Galloren taldea, bigarren proiektu batean lanean dago; bihotzeko bat izan ondoren, hazkunde-faktoreak aplikatzeko miokardioa birsortzeko.
Ikerketa hori, oraindik, ardiekin egindako esperimentu-fasean dago; zehazki, latxa ardia aukeratu da ikerketarako, eta taldeak Neiker-Tecnalia albaitari-zentroarekin kolaborazioan lan egiten du. Ikerketa hori aurrera joanez gero, eta Ignacio Gallo kirurgialariaren hitzetan, gaixoarentzako abantailak honakoak izango lirateke: “bizi-kalitate hobea, bihotzaren potentzia handiagoa eta neke gutxiagoa miokardioko bihotzeko bat izan ondoren”. “Bihotzeko gihar-ehuna birsortzea lortzen saiatzen ari gara, zelula bizia piztuz, traumatizatuta edo hildako zonak birsortzeko, hazkunde-faktoreen aplikazioaren bidez. Egun arte, hodi txiki-txikiak agertzea lortzen ari garela ikusten ari gara, eta horrek erakusten digu bihotzekoa izandako ehun horretan, hodi-birsorkuntzako prozesu bat eragitea lortzen ari garela”.
