18:30ean iritsi dira anbulantzian, Zaragozako Miguel Servet ospitaletik.

Gaur, 18:30an, anbulantzia batek Gipuzkoa Poliklinikaren Larrialdi Zerbitzuraino ekarri ditu, Zaragozako Miguel Servet ospitaletik, joan den larunbat arratsaldean Sallent de Gállegoko (Huesca) Balaitus mendiaren Latour arrailean izotz-bloke batzuk gainean erori zitzaizkienean larri zauritutako hiru mendizaleetatik bi.

Armando Segurado traumatologoak, paziente biek dauzkaten lesioak baloratu ondoren, lehen parte medikoan aditzera eman du I.V.G. paziente donostiarrak, 37 urtekoak, haustura anizkuna duela ezkerreko eskuan, eta hori dagoeneko kirschner orratzez tratatu diotela Zaragozan; bilakaera ona izaten ari da, baina oraindik denbora bat eman beharko du ospitalean bertan.

Bestalde, Urnietako J.S.A. mendizaleak, 31 urtekoak, berna-hezurraren haustura irekia dauka, eta datorren ostegunean ebakuntza bat egin beharko zaio, hain zuzen hezurrak behar bezala batzea ziurtatzeko. Segurado doktoreak aurreratu duenez, ebakuntza ostegun arratsaldean egitea dago aurreikusita; honen ondotik, beste parte mediko bat izango da

Jokalari guztien kontrol eta tratamendu medikuak Policlinica Gipuzkoan egingo dira

Policlinika Gipuzkoa Realarekin akordiora iritsi da hurrengo hiru denboralditan klub honetako babeslea eta osasun zerbitzuen emailea izateko. Akordio honen arabera Realeko jokalari guztien kontrol eta tratamendu medikuak Policlinika Gipuzkoan egingo dira.

• Policlínicak Euskadiko lehenengo ekokardiografo eramangarria erosi du bere Kardiologiako Zerbitzu Integraturako, Estatu mailan ere aitzindaria izanik. Ekokardiografiak kontsultan bertan egiteko aukera ematen du edota beste deozein tokitan, bere eramangarritasuna dela eta, emaitzak berehala lortuz, pazientearen diagnostikoa berresteko eta tratamendua martxan jartzeko beharrezkoa den itxaron-denbora murriztuz.

Policlinica Gipuzkoak erosi du Euskadiko Autonomia Erkidegoko aurreneko ekokardiografo eramangarria —Estatu mailan ere oraindik ez dira asko martxan daudenak—, Eduardo Alegría kardiologoak gidatzen duen bertako Kardiologiako Zerbitzu Integraturako.

Aparatu berriak betidaniko ekokardiografo tradizionalak dituen prestazio ia berberak dauzka, eta beraz ikertu edo aztertu beharreko kasuen % 95 baino gehiagotan tresna zaharraren lekua hartu eta hura ordeztu dezake.

Abantaila nagusia zera da, kardiologoak kontsultan bertan egin dezakeela gaixoaren azterketa edota beste deozein tokitan, bere eramangarritasuna dela eta, emaitzak berehala eta in situ ikusteko aukerarekin; horri esker, pazientearen diagnostikoa berresteko eta tratamendua martxan jartzeko beharrezkoa den itxaron-denbora nabarmen murrizten da.

Policlínica Gipuzkoako Kardiologia Integraleko Zerbitzurako erosi den ekokardiografo eramangarri honekin, prebentzio arloan aurrerapauso nabarmena egin du Policlinicak, ohitura osasuntsuak zabaltzeaz gain, teknología berritzaileenaren alde apostua egiten du eta.

“Bihotzeko gaitzak lehenengo heriotza kausa dira gure gizartean eta adituaren jarraipenarekin txekeo kardiobaskularrak egitea bihotzaren osasuna zaintzearen bermea da”, hala dio behintzat Arraiza doktoreak, Policlínica Gipuzkoako zuzendari medikuak.

“Tresna diagnostiko honekin erosortasuna (kontsultan bertan egiten delako) eta emaitzen irakurketen azkartasuna irabazten da. Honekin gaixoak izan ditzakeen patologiak azkar antzematea lortzen da, beste ekipamendu konplexuagoekin ikerketa zabaltzeko aukera dagoelarik”.

General Electric Healthcare etxeak banatutako ekokardiografo eramangarri honek koloretako irudiak eskaintzen ditu odol-zirkulaziorako, pazienteari elektrodoak jartzeko premiarik gabe. Tresnak 390 soilik gramo pisatzen ditu eta bere neurriak 135x73x28 mm-koak dira.

Miaketa edo txekeo kardiologikoetarako erabiltzeaz gain, poltsikoko tresna hori ezin egokiagoa da sabeleko azterketak egiteko edo pediatrian nahiz urologian erabiltzeko, eta baita bularraldeko mugimenduak edo pleurako isurkinak atzemateko ere, beste hainbat eginkizunen artean.

“2010: 2.000 kaloria eta 10.000 pauso zure bihotzaren osasunerako” gaiburupean, martxoaren 14ean ospatzen den Prebentzio Kardiobaskularrerako Europar Eguna, Policlínica Gipuzkoak hiritarrei bihotzen gaitzen arrisku faktoreei buruzko informazioa eskeiniz ospatuko du igandean 10.00etatik 14.00tara “La Perla” parean kokaturik egongo den karpa batean.

“La tercera parte de los infartos los sufren personas consideradas sanas”, eso es lo que asegura el cardiólogo Eduardo Alegría, Jefe del Servicio de Cardiología Integrado de Policlínica.

Tradicionalmente, la Cardiología se ha concentrado en tratar a las personas con enfermedades del corazón, que son un 7% de la población general. En opinión de este especialista, “es esencial también ocuparse de otro grupo mucho más numeroso: el de las que se consideran sanas, pero no llevan un estilo de vida saludable o tienen factores de riesgo ignorados (inconsciente o conscientemente). Aunque parezca increíble, -añade Eduardo Alegría-, la tercera parte de los infartos los sufre este grupo de la población. Es un hecho que, sin duda, invita a la reflexión”.

Policlínica Gipuzkoa puso en marcha hace un año el Servicio de Cardiología Integrado, que se diferencia precisamente por incorporar un programa de seguimiento del paciente para lograr modificar definitivamente los estilos de vida. Algo que según el cardiólogo Eduardo Alegría, “resulta crucial para la adecuada recuperación de estos pacientes”.

El cardiólogo insiste en que los factores de riesgo cardiovascular más importantes son los “conductuales”, es decir, aquellos relacionados con los hábitos de vida que se pueden modificar, como la alimentación, el ejercicio físico o el tabaquismo. “Controlándolos, se pueden reducir hasta en un 90% las probabilidades de sufrir graves complicaciones cardiovasculares”. “Eso sí, para ello, es fundamental conocer el diagnóstico de cada persona y realizar un seguimiento adecuado”.

“Prebentzio kardiobaskularra eta detekzio goiztiarraren garrantzia” izango da Poliklinika eta Kutxaren Osasun Ikasgela 2010 ekintzaren zazpi hitzaldietako lehenengoan landuko duten gaia. Hitzaldi hau, Poliklinika Gipuzkoako Kardiologia Integraleko zerbitzuburua den Eduardo Alegría kardiologoak emango du, martxoaren 11ean arratsaldeko 19.30tan, Andia kaleko Kutxa aretoan, Donostian

“Bihotzekoen herena, osasuntsutzat jotako pertsonek jasaten dituzte”, hori da Poliklinikako Kardiologia Integraleko zerbitzuburua den Eduardo Alegria kardiologoak ziurtatzen duena. Berak emango du Poliklinikaren eta Kutxaren Osasun Ikasgela 2010-erako programatutako zazpi hitzaldietako lehenengoa. “Prebentzio kardiobaskularra eta diagnostiko goiztiarra” izenburua du, eta datorren ostegunean, martxoak 11, 19.30etan, izango da, Donostiako Andia kaleko Kutxa aretoan.

Alegria doktoreak 30 urtetik gorako esperientzia du kardiologia klinikoan, Nafarroako Klinika Unibertsitarioan, eta irakasle gisa ere badu esperientzia. Ziurtatzen du, orain arte, kardiologiak bihotzeko gaixotasunak dituzten pertsonak artatu dituela, biztanleria orokorraren % 7. Bere iritziz, baina, “funtsezkoa da, halaber, askoz ere ugariagoa den beste talde bati arreta eskaintzea: osasuntsutzat jotzen direnen taldea, baina bizimodu osasuntsua ez daramatenak edo kontuan hartzen ez dituzten (jakinda ala jakin gabe) arrisku faktoreak dituztenak. Sinestezina dirudien arren, -gehitzen du Eduardo Alegriak-, bihotzekoen herena, biztanleriaren talde honek jasaten ditu. Hori dela eta, horren inguruan hausnartu beharko genuke”.

Poliklinika Gipuzkoak, duela urtebete, Kardiologia Integralaren Zerbitzua jarri zuen abian. Zerbitzu honek duen desberdintasuna, hain zuzen, pazientearen jarraipen programa bat da, bizimoduak behin betiko aldatzea lortzeko. Eta hori, Eduardo Alegría kardiologoaren ustez, “ezinbestekoa da paziente horiek behar bezala sendatzeko”.

Hitzaldia, datorren martxoak 14an ospatuko den Arrisku Kardiobaskularra Prebenitzeko Europako Eguna dela eta antolatu da. Poliklinika Gipuzkoak, egun hori, herritarrei arrisku kardiobaskularraren faktoreen berri emanez ospatuko du, ondoko izenburupean: “2010: 2000 kaloria eta 10000 pauso zure osasun kardiobaskularraren alde”. Datorren igandean izango da, 10.00etatik 14.00etara, La Perlaren parean kokatutako karpan.

Adituak behin eta berriz dio arrisku kardiobaskularraren faktore garrantzitsuenak jokabide-faktoreak direla, hau da, aldatu daitezkeen bizitza ohiturekin lotutakoak, elikadura, ariketa fisikoa edo tabakismoa, esaterako. “Horiek kontrolatuz, -jakinarazi du kardiologoak-, % 90 murriztu daitezke arazo kardiobaskular larriak jasateko aukerak”. “Hori bai, horretarako, funtsezkoa da pertsona bakoitzaren diagnostikoa ezagutzea eta jarraipen egokia egitea”.

OSASUN IKASGELA 2010 EKINTZAREN HURRENGO HITZALDIAK

Apirilak 15 – “Jaio aurreko diagnostikoaren inguruko aurrerapenak” Hizlariak: Maria Eugenia Querejeta eta Juan Cruz Trecet doktoreak, Genetika Zelularra eta Ginekologia

Maiatzak 6 – “Kolon minbiziaren prebentzioa”. Hizlaria: Juan Arenas doktorea, Aparatu Digestiboko Zerbitzua

Ekainak 10 – “Zure begiak begiztatu. Laser Excimer begietako kirurgia” Hizlaria: Enrique Aramendia doktorea, Laser Excimer Unitatea.

Iraila – “Erronka berriak gizentasunaren kirurgian” (data zehazteke) Hizlaria: Juan José Martínez doktorea, Kirurgia Orokorra

Urria – “Prostata minbiziarentzako Da Vinci kirurgia robotikoa” (data zehazteke) Hizlariak: Madina eta Azparren doktoreak, Urologia

Azaroa – “Osteoporosia eta menopausia” (data zehazteke) Hizlaria: Alfredo Otálora, Ginekologia

Gaixotasun endokrino kronikoetan maizkoena da haurtzaroan eta nerabezaroan.

Policlínica Gipuzkoak haur eta gazteen diabetesaren diagnostiko eta tratamendu goiztiarrerako jardunaldi bat hartuko du gaur, Euskal Autonomia Erkidego osoko eta Nafarroako osasuneko profesionalei zuzendurik. Gaixotasun endokrino kronikoetan maizkoena da haurtzaroan eta nerabezaroan, eta azken urteotan areagotzen ari da horren eragina. Gaur egun 100.000 haurretatik 22ri eragiten die gure inguruan, eta Espainian 1.200 kasu berri detektatzen dira urtean.

Jardunaldi honen helburua Lehen Arretako pediatra eta erizainei diabetesa hurbiltzea da. Izan ere oso egoera pribilegiatuan daude, hurbiltasuna eta harreman zuzena dela eta, haur horiei laguntzeko. Ezinbestekoa da pediatra eta erizainak endokrino-pediatrekin elkarlanean aritzea diabetesdun haurraren kontrol eta jarraipena optimizatzearren, eta aurreneko sintoma susmagarriak ikusi orduko –maiz txiza egitea (gauez batez ere, haurrak dagoeneko egiten ez duenean), egarri sentsazioa areagotzea, pisua galtzea eta nekea orokorrean-, diabetesa den baztertzea edo egiaztatzea, odol eta gernu analisi baten bidez.

Jardunaldiaren antolatzaileak Policlínica Gipuzkoako Asunción Irureta endokrino-pediatra eta Mirentxu Oyarzabal eta Elena Arlota endokrino-pediatrak dira, Policlínica Gipuzkoako Dr. Carlos Elósegui Fundazioaren laguntzaz. Bertan haurren diabetesaren arloan estatu mailan dauden aditurik ospetsuenak izango dira. Prestakuntzara bideratutako topaketa honetan hainbat lantegi egingo dira, intsulina bidezko tratamenduari, elikadurari, ariketa fisikoari eta autokontrolari buruz.

Diabetesa metabolismoari, batez ere karbohidratoenari, eragiten dion gaixotasun kroniko bat da. Intsulina produzitzen duten pankreako zelulen akats batengatik sortzen da. Asun Iruretak dioen moduan, “intsulina da glukosa edo energia zelulan sartzeko atea zabaltzen duen giltza. Intsulinarik ez dagoenean, glukosa odoletan metatzen da, eta diabetesaren sintomak agertzen dira”.

Haur eta gazteen diabetesa gora doa

Uste duguna beste zerbait bada ere, diabetesa ez da bakar-bakarrik helduek jasaten duten gaixotasun bat. Oso bestela, haurren artean gero eta eragin handiagoa du. Kasu kopurua pixkanaka handitzen da pubertaroaren hasiera arte, eta une horretan gaixotasunaren eragina goreneko puntu batera iristen da.

Diabetes kasu gehienak 1. eta 2. motakoak dira. Oro har, haurren kasuan “1. motako diabetes mellitus” gaitza izaten da, eta helduengan, berriz, “2. motako diabetes mellitus”. Alabaina, Irureta doktoreak dioen bezala, “azken urteotan zehar 2. motako diabetes kasuak ikusten ari gara gazte eta haurrengan, obesitatearen gorakadari loturik”.

Haurren artean, diabetesa helduengan baino modu bat-batekoago batez agertzen da. Izan ere, kasuetatik %80k azaltzen dituzten sintomek 3 aste baino gutxiagoko bilakaera dute. Modu goiztiarrean detektatu eta tratatzen ez bada, diabetesak oso ondorio larriak izan ditzakeen koma zetoazidotiko bat eragin dezake.

Haurren diabetesa (1. motakoa) agertzeko arrazoiak faktore askori daude lotuta, tartean daude eta aurrejoera genetikoa edota inguru faktoreak; are gehiago, estresak berak edo birus-infekzioek gaixotasunaren hasiera eragin dezakete. Dirudienez, amagandik edoskitzea babes faktore bat da.

Policlinica Gipuzkoako Dr. Carlos Elósegui Fundazioak abian jarri du ahoz nahiz idatziz beren burua aditzera emateko aukera ez duten pertsonen arteko komunikazioa errazten duen sistema.

E-Mintza proiektuarekin (komunikatzeko oztopoak dituzten pertsonentzako lagundutako bokalizazio sistema hibrido, dinamiko eta pertsonalizagarria), Policlinica Gipuzkoako Dr. Carlos Elósegui Fundazioak eta Orange Fundazioak, ahoz nahiz idatziz beren burua aditzera emateko aukera ez duten pertsonei komunikazioa errazteko sistema bat sortzea proposatu dute.

Ekimen honek erabiltzaileari beste pertsona batzuekin komunikatzea eta, hitzezko eta ez hitzezko mintzairen bitartez, bere garapena sustatzea ahalbidetzen dio, multimedia teknologia erabiliz. Zehazki, e-Mintza-ren (mintza elektronikoa) asmoa, bokalizazio digitalen belaunaldiaren sistema eramangarri bat doan eta modu unibertsalean nola lor daitekeen ikertzea, garatzea eta erraztea da. Gainera, sistema hori pertsonalizagarria izatea lortu nahi da, erabilitako mintzairari, testuei, irudiei, bideoei edo soinuei dagokienez, idazteko ezgaitasuna eta ezintasuna duen hitz gabeko mintzaira duen erabiltzailearen beharren arabera.

E-Mintza, komunikatzeko oztopo handiak dituzten hainbat pertsonari zuzenduta dago, autismoa duten pertsonei, esaterako, baina kontuan izanik pertsonalizatu daitekeela; oraindik mintzaira bat hartu ez duten haur gorrek, adimen ezgaitasun larria duten pertsonek, traumatismoen ondoren garuneko arazoak jasan dituztenek, neuroendekapenezko gaitzak dituzten adinekoek, ospitalean dauden bitartean intubazioa edo lagundutako aireztapena behar dutelako, beren burua aditzera eman ezin dezaketen pertsonek eta abarrek ere erabil dezakete. Gaur egun, hainbat komunikatzeko sistema alternatibo edo komunikatzaile daude, baina eragozpen bat dute: ez dute sistema pertsonalizatzea ahalbidetzen, erabiltzailearen ezaugarrietara egokitzeko. Ezgaitasunaren alorreko azken aurrerapen zientifikoek, aldiz, adierazten dute komunikatzeko oztopoak dituzten pertsonekin komunikatzeko modurik egokiena, hain zuzen, tresna pertsonalizagarrien bitartez dela.

Proiektu hau, hain zuzen, oso intuitiboa eta erabiltzailearen behar espezifikoetara erabat egokigarria den interfaze bat diseinatzeko dagoen multimedia teknologia aztertzean datza; erabiltzaileak, lehentasunez, ukipen pantaila baten bitartez komunikatu ahal izango du.

Halaber, e-Mintza, hardware sendoa, erraz garraiatu daitekeena (Tablet PC, PDA, etab.) eta kostu txikia duena, aurkitzeko dauden tresna informatikoak aztertzen ari da, familiei edo laguntzaileei erabiltzeko egokiena denari buruz aholkuak emateko. Proiektua garatzen denean, Interneten doan deskargatu ahalko den software-a eskainiko da.

Autismoa duten pertsonen proiektuaren pausoak ebaluatzeko Gautena elkartearen laguntza jasotzen dugu, eta garapen teknikoan Nesplora enpresak parte hartu du.

E-Mintza proiektuaren garapen teknologikoak Industria, Turismo eta Merkataritza Ministerioaren Avanza2 Planaren babesa du.

• Policlínica Gipuzkoako Dr. Carlos Elósegui Fundazioa
• Organge Fundazioa
  
• Plan Avanza
• Gautena
• Nesplora

103 lagunek hartu zuten parte Policlínica Gipuzkoak babesten duen Waterpolo Donostia Klubak antolatutako bainu solidario honetan

Waterpolo Donostia Klubak pasa den urtarrilaren 1ean antolatu zuen hirugarren urtez Urte Berriko Kotxapuzoia Donostiako Kontxako Badian.

200 metro igerian egiten den itsasaldia da hau eta partaideek 5 euroko aportazioa egin zuten, jasotako dirua Hartutako Kalte Zerebraleko Elkarteari emateko. Urperaldiaren ondoren igerilariek Donostiako Hotel Londresean salda beroa hartu ahal izan zuten.

Osasun zentru honek Gipuzkoako kirolaren aldeko konpromisoa berretsi du kolaborazio honekin

Iñaki Galdosek, Kirol diputatuak, Kirolgi Fundazioaren ordezakari bezala, eta Roque Ascoz doktoreak, Policlínica Gipuzkoako presidenteak, gaur goizean sinatu dute 2009-2010 denboraldirako hitzarmena. Honekin Policlinica-k kirol gipuzkoarraren aldeko  konpromisoa adierazi nahi izan du, Gipuzkoako hiritarren osasun ohiturak sustatzeko asmoarekin.

Policlínica Gipuzkoako Juan José Martínez Dk.ak zuzentzen duen taldeak 12 operazio kirurgiko egin ditu jadanik teknika hori erabiliz. Horrek abantaila handia dakar, ebakuntzaren konplikazioak murriztu egiten dira eta, sistema tradizionalarekin alderatuz.

Inbasiboa ez den kirurgia sustatzeko helburuarekin jarraituz, Policlínica Gipuzkoak, Juan José Martínez doktorearekin batera, laparoskopia bidez egindako obesitatearen lehenengo ebakuntzen emaitzak gaur aurkeztu ditu.

Hamabi dira dagoeneko obesitate morbidoa eduki eta Policlínica Gipuzkoan laparoskopia bidez urdaileko by-pass bat egiteko edo urdailean banda bat ezartzeko operatuak izan diren pazienteak.

Era horretako kirurgiak modu irekian egin izan dira betidanik Gipuzkoan. Hala ere, Policlínica Gipuzkoako Kirurgia Orokorreko eta Aparatu Digestiboko Zerbitzuko Obesitate Morbidoko Unitatea, Juan José Martínez Dk.aren gidaritzapean, horrelako ebakuntza kirurgikoak laparoskopia bidez egiten hasi da era integralean.

Ebaki txikien bidez egiten den metodo honek ebakuntzaren konplikazioak murrizteko aukera ematen du, pazientearen susperraldia bizkorragoa da eta ospitaleratze-denbora erdira jaisten da, kirurgia irekiarekin alderatuz gero.

Ez da ahaztu behar obesitatea duten pazienteak edozein ebakuntzatan kirurgia-osteko konplikazioak jasateko arrisku handiagoa duten pertsonak direla, hipertentsioa, diabetea, gutxiegitasun koronarioa eta loaldiko apnea bezalako konplikazioak jasaten dituztelako, besteak beste.

Intzidentzia

Gipuzkoan biztanleriaren % 12 obesoa da eta % 1ek (6.000 gipuzkoar baino gehiagok) obesitate morbidoa dauka. Mota horretako obesitatea dutenek bere gorputz-pisu ideala baino % 50-100 gehiago pisatzen dute. Pertsona horiek, beren gainpisua dela-eta, gaixotasun kronikoak izateko eta konplikazio kardiobaskularrak jasateko probabilitate handiak dituzte.

Pisua jaisteko eta bere gaixotasuna konpontzeko pazienteak egin behar duen aurreneko gauza elikadura zaindu eta ariketa fisikoari ekitea da. Hala ere, eta horrekin ez badira espero ziren emaitzak lortzen, urdailaren barruan baloi bat ezartzea erabaki daiteke alternatiba moduan: paziente obesoaren urdailean despuztutako baloi bat sartzen da, ondoren baloi hori puzteko. Horrela pazientea janari gutxiagorekin ere asetzea lortzen da.

Dena den, zenbait kasutan aipatutako neurriekin ez da arazoa konpontzen, eta beraz, konponbide kirurgikoa hautatu behar da ezinbestean.

Ebakuntza motak

Gaur egun urdaileko bandak eta urdaileko by-passa dira konponbide kirurgikorik eraginkorrenak.

Urdaileko banda urdailaren goiko herenean eta organo osoa inguratuz ezartzen den gailu bat da, urdailaren edukiera murrizteko asmotan. Banda horri esker, pazienteak asetasun-sentsazioa nabaritzen du, askoz ere janari kantitate txikiagoarekin.

Urdaileko bandak urdailaren edukiera-gaitasuna murrizten du, elikagaien iragatea kontrolatuz, larruazalaren azpian jartzen den eta muskulu barneko xiringa soil baten laguntzarekin bertara iristeko modua ematen digun gailu batetik banda hori “puztuz”. Horrela, gainera, tratamendua paziente bakoitzarentzat pertsonalizatu edo indibidualiza daiteke.

Ebakuntza egin eta ordu gutxira, pazientea likidoak edaten has daiteke. Pazienteari 48 ordutan emango zaio alta gutxi gorabehera. Aurreneko hilabetean, elikadurak likidoa eta ore modukoa izan behar du, eta 4.-6. asteen artean urdaileko banda hori egokitu egingo da, elikadura solidoarekin hasteko.

Ebakuntza hori 35etik beherako gorputzeko masa-indizea (GMI) duten pazienteetan dago indikatua.

Bigarren aukera urdaileko by-pass bat egitea da. Prozeduraren oinarria urdailaren tamaina txikitu eta hestearen zati jakin bati lotzea da; horrela, hestearen zati batek irentsitako elikagaien mantenugaiak xurgatzeari utziko dio eta, gainera, pazienteak asetasun-sentsazio handiagoa izango du.

Laparoskopia bidezko prozedurak susperraldi bizkorragoa, seguruagoa eta min gutxiagokoa ahalbidetzen du. Pazienteari 4-6 egunen buruan emango diote alta, modu irekian operatutakoek bi aste ospitaleratuta egon behar duten bitartean.

Ebakuntza hau 40tik gorako gorputzeko masa-indizea (GMI) duten pazienteetan dago indikatua, edo baita GMI 35-40 bitartean egonda ere, diabetea edo hipertentsioa bezalako gaitzak dituztenetan, egoera horiek oinarrizko gaixotasuna (obesitatea, alegia) larriagotu egiten baitute.

Beste lau kirurgialari espezialistekin batera ebakuntza horiek guztiak egin dituen Juan José Martínez kirurgialari orokorraren hitzetan, “operazio honen helburua pazientearen pisua jaistea da, obesitatearekin lotuta dauden arazo ugariak —hipertentsioa edo arrisku kardiobaskularra esate baterako— konpontzeko”. Martínez Dk.ak behin eta berriz dioenez “ez da kirurgia estetikoko ebakuntza bat, bere helburua medikoa baita besterik gabe, izan ere obesitate morbidoa osasunarentzat arrisku handiak dakartzan gaixotasuna baita”.

“60 kilo galdu ditut zortzi hiletan”

Laparoskopia bidez urdaileko by-passa egin zaien pazienteetako bat 60 kilo flakatu da urtarrilaren bukaera aldera operatu zutenetik. Operatu aurretik 35 urte eta 165 kilo zituen, eta berak dioenez ez zuen obesitateak eragindako inolako sintomarik edo gaixotasun eratorririk, horrelakoak berehala agertuko zirela argi eduki arren. Orain, zortzi hilabete iragan direnean, 105 kilo pisatzen ditu eta medikuek adierazi diotenez 12.-18. hilabeteen artean iritsiko omen da bere pisu normalera.

Ebakuntzaren aurretik beldurra izan zuela onartu arren, orain “zoratzen” dagoela esan digu. Izan ere, pisua jaisteaz gain, operazio-ostea “oso ona izan da. Operatu eta 4. ordurako hantxe zebilen, korridorean gora eta behera. Zenbat eta lehenago mugitzen hasi, orduan eta azkarrago suspertuko nintzela esan zidaten medikuek”. 4. egunerako etxean zegoen eta 3. asterako, berriz, lanean.

Orain, egunean 5-6 aldiz jaten du, kopuru txikitan beti. Ez duela inolako antsietaterik nabaritzen dio, oso azkar asetzen delako. “Lehen baino arinago sentitzen naiz eta batere ariketa fisikorik ez egitetik astean hirutan bizikleta estatikoan kirola egitera eta asteburuetan hiru orduko paseoak ematera pasatu naiz”.