BARNE ZOLAK

Oinera erabat egokitzea dute ezaugarri. Alemaniatik esportatutako material esklusibo batekin ekoiztuta daude, ezagutzen ditugun tradiziozko barne-zolak baino mehegoak dira, erosotasuna hobetzen dute, amortiguazioa bikaina dutenez erantzun dinamiko hobea eskaintzen dute, transpirazio ezin hobea daukate eta oinetako izergarriekin bateragarriak dira, luze irauten dute geometria galdu gabe eta arinagoak dira. Aldi berean, memoria elastiko eta malgutasun handiagoak dituzte, material termodeformagarriarekin egindakoek baino hobeto mantentzen dutelako jatorrizko forma.

Bestalde, prozesu osoa automatizatuta eta datuak informatikoki memorizatuta dituztenez, bigarren parea 24 ordutan lor daiteke.

Hala ere, barne-zolak egin aurretik, Podoactivak azken proba bat egiten die hautagaiei, behin betiko emaitzak lortzeko: 3D Scan Sport Podoactiva. Podoactivak garatutako mundu-patentea da, eta oin-moldeak egiten dituzten beste sistemetatik (fisikoak zein birtualak) bereizten duen modu esklusibo batean eskaneatzeko aukera ematen du. Gainerako eskanerrak ez bezala (orokorrean oinaren irudia beira baten gainean zapalduz lortzen dutenak), Podoactivan laser bidez oinaren irudi birtuala ateratzen dugu, tentsio doigarria duen mintz elastiko baten gainean zapalduz, eta, horrela, geometria hobea lortzen da, gero barne-zola pertsonalizatuak egiteko.

Behin ingeniaritza-sailak barne-zola diseinatu duenean, modu robotizatuan ekoizten da, 0,01 mm-ko zorroztasunarekin, aurpegi bikoitzeko mekanizazio-prozesu baten bidez. Horrela, barne-zola bakoitzaren parte guztien geometria eta lodiera pertsonaliza daitezke, gaixo bakoitzarentzat emaitzarik optimoena lortzeko.

MODELO DESBERDINAK

Elite Sport barne-zola ekoizteko prozesuan ez da termo-eraketa prozedurarik erabiltzen, Dynamic izeneko jatorrizko materialaren propietate mekaniko berak manten ditzan (materiala Alemanian ekoizten da Podoactivarentzat esklusiboki). Kirol-diziplina desberdinetako goi-mailako 400 kirolarik erabiltzen dituzte barne-zola horiek.

Confort Line barne-zolak EVA (Etilenoa Biniloa Azetatoa) deritzon materialarekin eginda daude, eta aukera egokia dira eguneroko bizitzarako. Nahiz eta barne-zola horiek Elite Sport baino gutxiago iraun eta kostu txikiagoa eduki, kalitate-estandar onenak betetzen dituzte.

Gaixo bakoitzaren beharren arabera, gogortasun-gradu desberdina izan ditzakete, eta barne-zola berean ere, gogortasun-maila desberdinak aplika daitezke.

Bereziki originalak dira Elite Woman, takoidun zapatetarako bereziak. Horien efektu nagusia da “takoidun zapataren barruan zoru pertsonalizatua” sortzen dutela, oinaren eta takoiaren altuerarako bereziki diseinatutako euskarria emateko. Horrela, oinazpien zama hobeto banatzen da, takoidun zapatak luze erabiltzean sortzen diren eraginetako asko murriztuz.

Barne-zola modelo guztiek urtebeteko bermealdia daukate, eta bermeak beharrezkoak diren doikuntzak eta errepikapenak barne hartzen ditu.